सरकारले राष्ट्रिय अनुसन्धान विभागलाई फेरि प्रधानमन्त्री तथा मन्त्रिपरिषद् मातहत लगेको छ । प्रधानमन्त्री वालेन्द्र शाहले गृह मन्त्रालय मातहत रहेको राष्ट्रिय अनुसन्धान विभाग आफू मातहत ल्याएका छन् । यसअघि प्रधानमन्त्री कार्यालय मातहत रहेको राष्ट्रिय अनुसन्धान विभागलाई तत्कालीन सुशीला कार्की नेतृत्वको सरकारले पुनः गृह मन्त्रालय मातहत नै फर्काएको थियो ।
बिज्ञापन
यस अघि गृहमातहत रहेको विभाग प्रधानमन्त्री केपी शर्मा ओलीले प्रधानमन्त्री कार्यालय मातहत ल्याएका थिए ०७४ सालमा । सुशीला कार्की नेतृत्वको अन्तरिम सरकारले सो विभागलाई फेरि गृह मातहतै लगेको थियो तर वालेन शाह प्रधानमन्त्री बनेको दुई महिना नबित्दै सो विभाग पुन प्रधानमन्त्री कार्यालय मातहत ल्याइएको हो । ओली सरकारले अर्थअन्तर्गतको राजश्व अनुसन्धान र सम्पत्ति शुध्दिकरण अनुसन्धान बिभागसङ्गै गृहले सोझै चलाउने गुपतचरी निकाय राअबिलाई पनि प्रधानमन्त्री कार्यालयले सोझै हेर्ने गरी तानेको थियो । सुशीला कार्की सरकारका पालामा यसलाई गृहतिर फर्काएकी थिइन । अहिले फेरि कार्यबिभाजन नियमावली हेरेफेर गरेर प्रधानमन्त्री कार्यालय मातहत नै रहनेगरी गृहको जिम्मेवारीबाट तानिएको हो ।
बिज्ञापन
यस सँगै मन्त्रालय, परिषद्, आयोग र विभिन्न समिति गरी प्रधानमन्त्रीको नेतृत्वमा ३१ सरकारी निकाय छन् । प्रधानमन्त्री कार्यालयसहित २२ वटा मन्त्रालय रहेकोमा त्यसलाई घटाएर अब १८ वटा बनाइएको छ । पूर्ण रूपमा खारेज भएको संघीय मामिला तथा सामान्य प्रशासन मन्त्रालयको संघीय मामिलासम्बन्धी भाग प्रधानमन्त्री कार्यालय मातहत नै ल्याइएको छ ।
प्रधानमन्त्री तथा मन्त्रिपरिषद्, आफूमातहतका मन्त्रालय, लगानी बोर्ड, राष्ट्रिय योजना आयोग, संवैधानिक परिषद्, नेपाल ट्रष्टको कार्यालय, लोक सेवा आयोग, अख्तियार दुरुपयोग अनुसन्धान आयोगलगायत महत्त्वपूर्ण निकाय प्रधानमन्त्री नेतृत्वमा रहेका छन् । प्रधामन्त्री कार्यालय मातहत आएपछि अब यी निकायलाई प्रधानमन्त्रीले आफ्ना योजनाअनुसार अगाडि बढाउन सक्छन् ।
बिज्ञापन
